Google Bard და ChatGPT არის 2023 წლის ორი ყველაზე ცნობილი ხელოვნური ინტელექტით აღჭურვილი ჩეთბოტი. მაგრამ რომელია მათ შორის საუკეთესო? ორივე გვთავაზობს ბუნებრივ ენაზე დაფუძნებულ პასუხებს. ხელოვნური ინტელექტის ეს ხელსაწყოები ჯერ არ არის სრულყოფილი, მაგრამ ისინი ნამდვილად მიუთითებენ AI ასისტენტის საძიებო და სასწავლო ინსტრუმენტების საინტერესო მომავალზე. მიუხედევად იმისა, რომ აღნიშნული ჩეთბოტები ერთმანეთის მსგავსია, მათ ასევე აქვთ გარკვეული განსხვავებები. თუ რით განსხვავდებიან და რა საინტერესო ბენეფიტები გაჩნიათ მათ ამას სწორედ დღევანდელ სტატიაში გაგაცნობთ.
თავაპირველად Bard-ის ისტორია ასე დაიწყო: Google-ის აღმასრულებელი დირექტორი Sundar Pichai, 6 თებერვალს გამოქვეყნებულ ბლოგპოსტში აღწერს ხელსაწყოს, როგორც „ექსპერიმენტულ სასაუბრო AI სერვის“, რომელიც უპასუხებს მომხმარებლების შეკითხვებს და მიიღებს მონაწილეობას საუბრებში. მისი თქმით პროგრამული უზრუნველყოფა ხელმისაწვდომი იქნება „სანდო ტესტერების“ ჯგუფისთვის, სანამ „მომავალ კვირებში უფრო ფართოდ ხელმისაწვდომი გახდება საზოგადოებისთვის“.
ზუსტად არ არის ნათელი, რა შესაძლებლობები ექნება ბარდს, მაგრამ, როგორც ჩანს, ჩეთბოტი ისეთივე უფასო იქნება, როგორც OpenAI-ის ChatGPT. სკრინშოტი მომხმარებლებს მოუწოდებს, დაუსვან ბარდს პრაქტიკული შეკითხვები, მაგალითად, როგორ დაგეგმონ ბავშვის შხაპი ან რა სახის კერძები შეიძლება გაკეთდეს ლანჩისთვის ინგრედიენტების სიიდან.
„ბარდი შეიძლება იყოს კრეატიულობის გამოსავალი და ცნობისმოყვარეობის შეცნობის ადგილი, რომელიც დაგეხმარებათ 9 წლის ბავშვს აუხსნათ ახალი აღმოჩენები NASA-ს ჯეიმს ვების კოსმოსური ტელესკოპიდან, ან გაიგოთ მეტი ფეხბურთის საუკეთესო თავდამსხმელების შესახებ ახლა.
განაცხადა Google-ის აღმასრულებელმა დირექტორმა Sundar Pichai-მ
Pichai ასევე აღნიშნავს, რომ ბარდი „იღებს სრულ ინფორმაციას თითქმის ყველა ვებგვერდიდან, მაღალი ხარისხის პასუხების უზრუნველსაყოფად“, რაც ნიშნავს, რომ მას შეეძლება უპასუხოს კითხვებს ბოლო მოვლენებთან დაკავშირებით – რასაც ChatGPT ამ დროისათვის სამწუხაროდ ვერ ახერხებს.
არ უნდა გამოგვრჩეს ისიც, რომ Microsoft-მა, რომელმაც მილიარდობით დოლარის ინვესტიცია მოახდინა OpenAI-ში, ასევე ისარგებლა აღნიშნული მომენტით და განაცხადა, რომ კომპანია აერთიანებს ChatGPT-ს თავის Bing საძიებო სისტემაში, ისევე როგორც სხვა პროდუქტებს საოფისე პროგრამული უზრუნველყოფის კომპლექტში.
მიუხედავად იმისა, რომ Google-ს აქვს ღრმა გამოცდილება იმ AI-ში, რომელიც აძლიერებს ChatGPT-ს (ნამდვილად, მან გამოიგონა საკვანძო ტექნოლოგია – ტრანსფორმატორი, რომელიც არის “T” GPT-ში), კომპანია ამ დრომდე უფრო ფრთხილ მიდგომას იყენებდა თავისი ტექნოლოგიების გაზიარებისთვის. აქვე შეგახსენებთ, იმასაც რომ Google-მა 2021 წელს LaMDA წარმოადგინა, ენის მოდელი, რომელიც ეფუძნება Bard-ს. მაგრამ ეს ვერსია უკიდურესად შეზღუდულია, მხოლოდ რამდენიმე მოთხოვნასთან დაკავშირებული ტექსტის გენერირება შეუძლია.
Google, ისევე როგორც სხვა ტექნიკური გიგანტები, უფრთხილდება გამოუცდელი ხელოვნური ინტელექტის წინააღმდეგ საპასუხო რეაქციას. ვინაიდან მსხვილ ენობრივ მოდელებს, როგორიცაა LaMDA და GPT-3.5 აქვთ კარგად დოკუმენტირებული ტენდენციები შექმნან ტოქსიკური შინაარსი, როგორიცაა სიძულვილის ენა და დამაჯერებლად დაამტკიცონ ყალბი ინფორმაცია.
Bard-ის მომავალი გაშვება აღნიშნავს Google-ის ამ ტექნოლოგიისადმი მიდგომის ეტაპობრივ ცვლილებას. თავის ბლოგ-პოსტში, Pichai ხაზს უსვამს, რომ Google გააერთიანებს „გარე Feedback-ს ჩვენს საკუთარ შიდა ტესტირებასთან, რათა დარწმუნდეს, რომ ბარდის პასუხები აკმაყოფილებენ მაღალი ხარისხის, უსაფრთხოებისა და ადეკვატურობის დონეს რეალურ სამყაროში“.
იმავდროულად, უნდა აღინიშნოს ისიც, რომ Google Bard იყენებს Google-ის LaMDA ენის მოდელს, ხოლო ChatGPT იყენებს საკუთარ GPT3 მოდელს. ChatGPT ეფუძნება ოდნავ უფრო ძველ მონაცემებს, რომლებიც შემოიფარგლება მისი ამჟამინდელი GPT3 მოდელით 2022 წლამდე შეგროვებული მონაცემებით, ხოლო Google Bard აგებულია ბოლო წლების მონაცემებზეც. თუმცა, ეს სულაც არ ხდის მას უფრო ზუსტს, რადგან Google Bard-ს შეექმნა პრობლემები კითხვებზე არასწორი პასუხების გამო, თუნდაც მისი თავდაპირველი გამოქვეყნებისას. ChatGPT-ს ასევე აქვს ჩაშენებული პლაგიატის შემოწმებელი ფუნქცია, ხოლო Google Bard-ს არა.
როგორც ყველასთვის ნათელია AI-ით აღჭურვილი ჩეთბოტების უფრო და უფრო მეტი მოდელი გამოჩნდება ზედაპირზე და ამ დროისთვის ნაადრევია იმის თქმა, რომელია მათ შორის საუკეთესო, თანაც მაშინ, როდესაც Google-ის ადრეულ შეცდომაზე ყურადღების გამახვილების მიუხედავად, სექტორის განვითარებასთან ერთად ბარდის გეგმები უფრო ნათელი ხდება, Google-ის მომხმარებელთა უზარმაზარი რაოდენობა, როცა საქმე ძიებას ეხება, სავარაუდოდ, სილიკონის ველის გიგანტს წინ წაიყვანს. ნებისმიერ შემთხვევაში კი აშკარაა, რომ ხელოვნური ინტელექტის ჩეთბოტები მნიშვნელოვან მეინსტრიმში შევიდა.