ქართული პროგრამული უზრუნველყოფის დეველოპერული კომპანია Webapp-ი Startup Lithuania-ის Startup Action Competition-ის გამარჯვებული გახდა და მსოფლიოს 10 საუკეთესო სტარტაპში მოხვდა.
Webapp-ის გუნდი სექტემბერში გაემგზავრება ვილნიუსში და ერთკვირიანი ვიზიტის დროს შეეძლება შეისწავლოს ევროპული ბაზარი, გაეცნოს მნიშვნელოვან ბიზნეს ცენტრებს და მონაწილეობა მიიღოს ინოვაციის ხელშემწყობ სხვა პროექტებში.
ცნობისთვის, Webapp არის კომპანია, რომელიც გთავაზობთ სრულ პროგრამულ უზრუნველყოფას. კომპანია ბაზარზე 4 წელია რაც არსებობს, ხოლო ბოლო ერთი წლის განმავლობაში მთელი საქართველოს მასშტაბით 300-ზე მეტი ორგანიზაცია გახდა აღნიშნული კომპანიის სერვისის მომხმარებელი, მათ შორისაა სტომატოლოგიური კლინიკები, ესთეტიკური მედიცინისა და სილამაზის ცენტრები.
Lietuva-ს კონკურსში გამარჯვების გარდა, Webapp შეირჩა Skillshare საერთაშორისო კონკურსის პროექტში და გუნდი 2022 წლის სექტემბერში გაემგზავრება პოლონეთში. ტრენინგთან ერთად წარმატებულ ქართველ სტარტაპებს ექნებათ შეხვედრები პოტენციურ ინვესტორებთან და მიეცემათ შესაძლებლობა. რათა მათი სერვისები უფრო გლობალური გახდეს.
რაც შეეხება სერვისებს, რომლებსაც Webapp-ის პროფესიონალთა გუნდი სთავაზობს მომხმარებლებს, არის: ვებსაიტის და მობილური აპლიკაციის შექმნა; პროექტის მენეჯმენტის კონსულტაცია; ბიზნეს მოდელის შემუშავება/დახვეწა; ორგანიზაციული მენეჯმენტი; და ა.შ.