ფინტექ ჯგუფი Kaspi.kz- ლონდონის საფონდო ბირჟის (LSE) ვებგვერდზე გამოქვეყნებული კომპანიის ფინანსური ანგარიშის მიხედვით, Kolesa Group-ის 40%-იანი წილის შეძენას აპირებს.
88,5 მილიონი დოლარის ღირებულების ტრანზაქცია სავარაუდოდ მიმდინარე წლის მესამე ან მეოთხე კვარტალში დასრულდება. Kaspi.kz შეიძენს 39.76%-იან წილს Baring Vostok-ის ფონდის უცნობი შვილობილი კომპანიისგან, რომელიც ასევე არის თავად Kaspi.kz-ის ერთ-ერთი მთავარი აქციონერი.
Kolesa Group-ის უმსხვილეს მფლობელად დარჩება Kaspi.kz-ის ხელმძღვანელი და თანამფლობელი მიხეილ ლომთაძე. მოახლოებული გარიგების თანახმად, ის ნდობით გადასცემს Kolesa Group-ის აქციების 11%-ს Kaspi.kz-ს.
„Kaspi.kz აპირებს ფლობდეს აქციების დაახლოებით 51%-ს და მოიპოვებს კონტროლს Kolesa-ს დირექტორთა საბჭოზე. შედეგად, ის შეძლებს Kolesa-ს შედეგების კონსოლიდაციას თავის ფინანსურ ანგარიშში“, – ნათქვამია Kaspi.kz-ის განცხადებაში.
ივლისის დასაწყისისთვის Kaspi.kz-ის ძირითადი აქციონერებს შეადგენდნენ Baring Vostok (26.1%), მიხაილ ლომთაძე (23.4%) და ვიაჩესლავ კიმი (22.27%). ჯგუფის აქციები ასევე ივაჭრება LSE-სა და ყაზახეთის საფონდო ბირჟაზე (KASE).
Kolesa Group ქმნის რამდენიმე IT პროექტს, მათ შორის Kolesa.kz (ვებგვერდი მანქანების გასაყიდად), Krisha.kz (ონლაინ სერვისი უძრავი ქონებისთვის), Market.kz (უფასო განცხადებები) და Avtoelon.uz (პლატფორმა ავტომობიელბის გაყიდვისთვის უზბეკეთში).